Shillong, Jylliew 06: Hadien ba ka shillong bad Tura ki la ioh ia ka Examination Centre na ka liang ka JSU Shillong circle ki la leit ïa kynduh Ïa u Commissioner & Secretary Education Department, Goverment of Meghalaya, Shri. Vijay Kumar Mantri IAS ban buh ïa ki CUET exam centre ha Jowai & Jaintia Hills.
Na ka liang jong ka JSU ka lah pynpaw balei donkam ïa ki CUET exam centre ha Jowai bad Jaintia Hills, ki don bun ki daw kum ka jingjngai, ka traffic jam ha Shillong teng teng ka pyndik ïa ki ban poi biang por sha ki jaka thoh exam.
Sa kawei ruh ka ktah bha ïa ki khynnah ba wan na ka longïing baduk, naduh ka bai kali, bai bam, jaka sah bad kiwei kiwei ki jingdonkam.
Nalor kine ka Jaintia Hills ka dang long kaba sahdien ha kaba ïa dei bad ki jaka thoh exam lane ki infrastructure ha kaba ïa dei bad ka pule puthi. Te na ka liang ka JSU ka lah kyrpad jur ïa ka sorkar ban buh noh ïa ki centre.
Na ka liang jong u Vijay Kumar Mantri u lah kular ban buh ïa ki CUET exam centre bad ban phah leit survey ïa ki jaka ba lah ban buh ïa ki exam centre.
“ngi na ka liang ka JSU Shillong & JSU ngi long kiba kloi ban ïarap ïa ka sorkar khnang ba kane ka kam kan ïaid beit, khnang ba ki khynnah jong ngi kin suk”, ong u Adviser JSU Shillong Circle, A. Suchiang.
