Shillong, Risaw 29: Ki pulit jong ka East Jaintia Hills District mynta ka sngi kila ioh ia ka jingtip ba don u briew ba kyrteng Rofique Uddin Ahmed ba wan da ka bus Night Super kaba don ia u number AS-01-FC-7788 bad la suba ba u kit ia ki jingdih pynbuaid.
Haba la ioh ia ka jingtip ki pulit jong ka EJH District kila pynlong ia ka jingap ha surok bah NH-6 ha jan khliehriat haba la poi kane ka bus ki pulit kila pynsangeh bad talasi bad la shem ba une u briew u don ha kane ka bus bad kila rah ia u ban talasi ia ki pla jong u.
Ha kane ka jingtalasi ki pulit kila ioh na ka pla jong u 20 tylli ki synduk sabon bad haba la phah test la shem ba u dei u drok Herion bad ka jingkhia ka long haduh 274.23 gram u heroin, ki pulit kila kurup ruh kawei ka mobile na u.
U Rofique Uddin Ahmed u dei na ka shnong Telitakar Part 11 ba dei hapoh ka jingeit jong ka Katogora Police Station. Iaka mukotduma la register ha Khliehriat Police Station hapoh kyndon jong ka NDPS Act, ka jingtohkit ka dang iaid ban tip ia ki nongshim bad kiba shallan, jong ka jingung jingmih u drok.
