Shillong, Naitung 27: Ki pulit jong ka East Jaintia Hills District mynta ka sngi kila ioh jingtip ba ka don kawei ka kali kaba la wan kiew na Assam sha Meghalaya kaba kit ia ki mar jingdih ba sniew.
Halor kane ka jingtip ki pulit kila pynlong ia ka jingap ktem ha Kongong bad haba ka kali Maruti Desire AS04-J-0171 kaba ki la ioh jingtip kila bat ia ka bad haba la talasi la ioh ban kurup 69.196 kilo u Ganja na kane ka kali.
Ki pulit kila kem ia ki lai ngut kiba don ha kane ka kali, u Mintu Das, u Vijay kr. Roy bad u Arvind Kymar, ki pulit kila bat ruh ia ka kali kaba ki pyndon kam, na kine la ioh ruh ban kurup lai tylli ki mobile phone.
