Shillong, Rymphang 22: Ka shnong Wahkhen kala dei ka shnong kaba la paw bha ha ki kam jngohkai pyrthei da ka jingdon u Mawrongkhong ha kaba ki nongleit kai na kylleng kila poi ban kiew ia u ne u maw bala shna da ki jingkieng siej.
Ban khring ia ki nongwan jngohkai ka shnong kala pynlong ia ka jingiakop kheit soh niamtra ha ka sien kaba nyngkong ha ha shnong Wahkhen, ia kane ka jingiakop la pynlong ar sngi lynter ia kaba la pynkut mynta ka sngi.
Kane ka jingiakop kheit soh ka long ba khampher ha kaba ki hap ban kheit da ka rongshop kaba la shan na u siej ga kaba ki nongia shim bynta ki hap ban kheit ia u soh niamtra na ki dieng soh da kaba pyndon kam ia ka rongshop.
Ha kine ki ar sngi kiba la wan ban ia shim bynta ha kane ka jingiakop kheit soh kila wan ruh kiba na kiba wan kai bad kum juh ki trai shnong bad kane ka dei ka jingiakop kaba la pynlong ha ka sien kaba nyngkong.
