Shillong, Nailar 26: U Bah Roshem Myrthong shogknor shongknor bad u bah Zandy Myrthong Secretary ka ka Joint Committee of Local People on Kynshi Hydro Power Project (JCLPKHPP) kila ai ia ka jingthoh sha u myntri rangbah ka jylla lyngba u myntri ba dei peit ia ka tnad kam bor ding u A T Mondal ban khot tender noh ban pyntrei iaka to Kynshi Hydro Power Project Stage – I.
Ha ka shithi kaba ka Joint Committee of Local People on Kynshi Hydro Power Project Stage- I kala phah sha u myntri rangbah ka jylla u Conrad Sangma lyngba u myntri kmbor ding kila kyntu ia ka sorkar ba kan khot tender thymmai noh ban pyntrei ia katei a jaka pynmih bor ding ha dien ba kane ka sorkar kala pyndon noh ia ka soskular kaba la ia soi ha u snem 2007 bad ka M/s Anthina Pvt Ltd namar ka jingbym sdang jong ka ban pyntrei ia ka kam.
Kum ka kynhun ka pynpaw ia ka jingsngewnguh ia ka sorkar kaba la pyndam noh ia ka sorkar kular kaba la ia soi bad ka M/s AnthinaPvt Ltd namar ba ka khlem sdang ia ka jingtrei kumba la ia thehkular, da kane ka jingpyndam noh ia ka soskular kala plie ia ka sorkar ia ka lat kaba thymmai ban khot tender noh ban pyntrei iaka tei ka jaka pynmih bor ding eleltrik ha Wah Kynshi.
Na ka liang ka seng kaba la thaw na ka bynta kane kam ka kwah ban iohi ba ka sorkar kan pyntrei kam ia kane ka jaka pynmih bor ding na ka wah Kynshi ym ban pyndam noh na ka jingleh bakla ha ki bor kiba la dep, kum ka seng ka kwah ban iohi ba ka sorkar ka dei ban pyntrei ia kane ka kam ban pynmih bor ding na katei ka jaka da kaba khot tender thymmai.
Namar ka la don ka jingbym lah jong ki kompeni shimet kuma kala paw ha kine ki snem kiba la leit na ka liang jong ka seng ka kyntu ia ka sorkar ba lada khot tender thymmai ban pyntrei noh ia kane ka jaka pynmih bor ding, ki iohi ba dei tang ka North Eastern Electric Power Corporation Limited(NEEPCO) kaba lah ban pyntrei ia ka kam, lada long kaba bal ah ban ai sha katei ka kompnei jong ka sorkar pdeng.
Na ka liang jong ka seng ka kyntu ia ka sorkar ba ka burom ia I briew jong katei ka thain ba la da thaw ia ka kommitttee dei ban don lang ki dkhot ha ka committee kiba dei na katei ka thain kane ka long ban pynthikna ba ka jingpyntrei kam kan long kaba iaid beit iaid ryntih bad ki kwah ban iohi ba ka jingpyntrei kamd ei shuh ban pynslem khnang ba ki briew katei ka thain ruh kin ioh kam ioh jam.
Kum ka kynhun ka don ka jingshaniah ha kane ka sorkar kaba mynta ban pyntrei kam ia kane ka jingshna ia kane ka jaka pynmih bor ding eletrik na katei ka jaka na ka bynta ka jingmyntoi ka jylla bad ki paidbah katei ka thain bad ba ka sorkar kan pdiang ia kane ka jingai jingmut lada don lang ha katei ka committee.
