Shillong, Kyllalyngkot 22: Ka jingshna ia ka Iew Shyllong ha Laitumkhrah kam pat dep pura haduh mynta bad ia kiba die dukan la ai lad ia ki ban kin shong shipor haduh ban da lah ban pyndep ia ka jingtei, ki dukan kiba plie mynta ki long 160 tylli, kito ki kynthup, ia ki dukan jhur, dukan doh masi, dukan doh sniang, dukan dohkha, dukan doh syiar bad kiwei kiwei de.
Kine ki dukan kaba ki shong mynta ruh ki dang dei kiba shipor namar ba ka iew baroh kawei kim pat dep shna, ia mynta kim pat siew ia ka bai wai dukan bad ia kito kiba la leit ban siew sha ophis jong ka Shillong Municipal Board kila ia kren ban sa ia pynbeit ynda kila ioh ia ki dukan kiba pura ha kane ka iew Shyllong.
Ka kong Ciona Jarain President ka Iew Shyllong Hynniewtrep Association, haba kren ha ki lat pathai khubor, ka la iathuh ba ki dang sdang ban wan die jingdie ha kine ki jaka kiba la ai shipor tang naduh ka 2 tarik kyllalyngkot 2026, kumba ka long mynta ki jingdon kam kim pat biang lut.
Ka jingkyrmen ba ynda la long skul ka iew ka hat kan biang ha kane ka jingialeh jong ki bad kito ki nongshong dukan Shabar, kumba ka long mynta kane ka kham khuid ban ia kaba ki shong ha poh mynshuwa bad ki khmih lynti ban pynneh ia kane ka jingkhuid.
Ha ka jingiakren bad ka Shillong Municipal Board,ka shnong kila ong ba kin lah ban pyndep noh hapoh shisnem, kila ong ba ki tang shu dep shna ia ka mala kaba nyngkong kin pynkynriah noh ia ki sha ki dukan kiba pura kin nym ap haduh ban da dep lut baroh ka jingtrei, kaei kaba ki kwah ka long ba pyndep kloi ia ka jingshna ia kane ka iew.
