Shillong, Nohprah 30: Mynta ka sngi ka 30 Tarik Nohprah 2025 ha ka por kumba ar baje ei ei kawei ka trok khat hynriew shaka kaba don ia u number AS0-1RC-7925 kaba kit dewiong kala kylla ha surok bah Shillong Bye Pass ha shnong Umroi Madan bad ha kane ka jingjia ym shym don mano mano ba mynsaw.
Ki pulit kiba don ha katei ka jaka kila iathuh ba kane ka trok kaba wan kit dewiong na Jaintia Hills ynda poi ha katei ka jaka kaba beit bha ka surok kala mut ban shim pass ia kawei ka kali hynrei namar don ki kali kiba iaid kala bat break kynsa bad kala kylla ha katei ka surok sha ka phang kamon.
Ban pynliat na ka jingsah kut kali la phah khat noh ia u dewiong na ka trok kaba la kyllon ha shiliang surok, kila don bun ngut ki briew kiba la ia khat ia u dewiong ban lait noh ia kane ka kali na ka jingdon ha surok bah, ha kane ka kali la ong ba don tang u nongniang bad u nongbut.
