Shillong, Jymmang 19: Ka jing iai bteng ka Seng ban peitngor iaka jing wan laitlan bad ka jingpyrshang wan buhai shn
ong ki briew kiba nabar kam dei shuh kaba dang thymmai, hynrei kadei kawei na ki mat ki kaba ka seng ka la ïeng mynta da ki phew snem.
Ka jingioh ban bat ïa ki bar jylla myn haka 13 tarik Jymmang 2020 daka Khasi Students’ Union South khasi Hills District Unit, hapdeng ka jingtrei Kam ka lockdown ban ïakhun pyrshah ïaka jingpang khlam ne u COVID 19.
U President ka KSU u la ong ba sngew kyndit ba ki bar jylla ki ïaid sahuh katba ki trai Ri trai muluk ki dang bud ryntih ia ki jing bthah ka Sorkar ban ïa shongkhop ha la ki iing ki sem, dakaba lenlade wat ïaka bylla ka sngi ban ai ka jing iatrei lang bad ka Sorkar.
Ka Seng haba ka ioh ban bat ka ïaid daka lynti ban aiti ne pyntip Sha ki bor jong ka aiñ ban peit ban bishar Kat Kum kaba dei ka lynti ban leh. Hynrei kaei kaba sngew phylla ka long la iohi ïa ki jing kynthoh u Lad ka jylla iaka Seng khlem da tip ia ki tyllong jong ka Kam.
Ha ka kyrwoh u nongialam ka seng KSU u la ong ba kam dei ka kam sang ne long beaiñ ban ïada ïala ka jong ka Ri bad ban ïai long kiba peitngor.kum ki trai shnong, ki trai Ri trai muluk ki don ïaka hok ban kren , ki don ïa ka hok ban bishar, ki don ïaka hok ban pynsngew, ki don ïaka hok ban dawa, ki don iaka hok ban ïada.
Halor ka jingkynthoh jong u Lat ka jylla kadei tang ka jingwad daw , da kane ka kyrwoh na ka liang jong ka KSU ka phah sha u Lat ka jylla ka long , nai kren la plah bad wad daw. Haba ki para Ri ki shah niew beiñ, shah pyndik ,shah beh na ki iing ba ki sah, ha mainland India ha kine ki sngi ba dang ïaid ka jing khangdam balei u Lat ka jylla um kren eiei.
Hynrei haba ki ioh ban bat ia ki bar jylla kiba iaid sahuh hapdeng ka jing khangdam u sted bha ban wad daw ban kynthoh ia ka Seng. Naka bynta ban ïada ïala ka Ri ka KSU kan pyndep la ka kamram, la kadei da Kano Kano ka lynti ruh, la ong u President ka seng KSU u samla Lambokstarwell Marngar ha ka kyrwoh kaba la phah mynta ka sngi.
