Shillong, Jylliew 25: Shem jingeh ki Paidbah napoh ka Shnong Mawsynram halor ka jingbym lah ban pyntreikam ia ki Automated Teller Machine (ATM) kiba la buh lyngba ka State Bank of India (SBI) kumjuh lem bad ka Meghalaya Cooperative Apex Bank (MCAB) Ltd.
Ka jingbym treikam jong kitei ki Automated Teller Machine (ATM) hapoh ka Shnong Mawsynram ka la poi da kiba bun bun sngi haduh kat mynta kumba la jan poi haduh shibnai kynthih ia ka jingbymlah ban pyntreikam ia kine ki Automated Teller Machine (ATM) ne wat ban ai ka jingiarap kaba kyrpang ia ki Paidbah kiba donkam khamtam halor ka bynta kaba iadei bad ka jingsei Pisa kaba manla ka sngi.
Ka jingdon jongkitei ki Automated Teller Machine (ATM) kala long shisha ka jingiarap bakhraw bad ka jingmyntoi kaba kyrpang ia ki Paidbah khamtam ha kaba iadei bad ka jingleit ban sei Pisa dalade ia la kajong ka Bank Account khlem da donkam ban hap leit rung shapoh Bank ne wat ban pan ka jingiarap pateng da mano mano ruh.
Dei lyngba kitei ki Automated Teller Machine (ATM) kala pynlong ia kiba bun ki Paidbah ban ioh ia ka Transactions, Cash Withdrawals, Deposits, Balance Enquiry, Passbook Update, Fund Transfers lem bad kiwei ruh kumjuh.
Ka jingpyntreikam ia kitei ki Automated Teller Machine (ATM) kadei banlong beit baroh 24 Kynta ha ka shisngi bad man la ka sngi kadei banlong kumjuh hapdeng baroh shitaiew bad kata kalong 7 sngi khlem da pud sngi.
Ki jingiarap ki Automated Teller Machine (ATM) kalong ba ki Paidbah ki kloi ban ioh ia ki jingdonkam ha kapor kaba kyrkieh, ki iohlad ruh ban pynlut tang ia kapor kaba lyngkot khlem da donkam ban hap leit ieng laiñ hapoh ki Bank.
Ki Paidbah kiba shaniah halor ki kam khaïi pateng lajong (business) kim donkam shuh wat ban rah ia ka Pisa shibun hapoh ki pla jongki namar ioh lehse ha ki por mynmiet ne ki jaka bym shngaiñ.
Nakaliang jongngi kum ki Nongshong Shnong jongka Mawsynram lem kumjuh bad kiwei kiwei ki para Nongshong Shnong jongka thaiñ Mawsynram Block baroh kawei ha ka jingshisha kila ioh ban pynpaw ha ki Nongtrei jongkitei ki Bank ne wat kumjuh halor ki Nongialam Shnong ne Hima ban iarap lem ban phah pynlong noh kham kloi ia kitei ki Automated Teller Machine (ATM).
Hapoh ka Shnong Mawsynram na ka bynta ka jingdonkam kaba kyrpang khamtam ha ki sngi khang Bank ne kumjuh ha ki por ba la khang ki Bank na ka bynta ka jingkloi ban ioh ia ki jingdonkam katkum ka jingiaid jongkapor halor kine ki sngi kiba mynta, hynrei ymdon ba patiaw ne wat ban sngap ia kane ka jingkyrpad halor jongkatei ka jingjia.
kyntu jur ia ka State Bank of India (SBI) lem kumjuh ruh ia ka Meghalaya Co-operative Apex Bank (MCAB) Ltd., ban pynlong noh kloi ia kitei ki Automated Teller Machine (ATM) kiba la buh napoh ka ophis treikam katkum ka jingiaid jongkapor.
Kane kan long ka jingiarap bad ka jingmyntoi jong u Paidbah Nongshong Shnong jongka thaiñ Mawsynram Block baroh kawei ne wat ki Paidbah kiba wan donkam nabar ruh kumjuh kumba ki dei ban ioh ia ka jingdonkam katkum kaba ki angnud.
Lada nakaliang jongkitei ki Bank kimlah ban pyntreikam ia kitei ki Automated Teller Machine (ATM) hapoh kine ki sngi ba kin sngewbha ban ai ka jingpynshai sha ki Paidbah kiba buh Pisa hapoh ki Bank jongki kiba long ki nongkynshiew pisa jongki katkum ka customer service rules.
Lym kumta nakaliang jongngi ki Paidbah kiba long ki Nongkynshew Pisa jongki Bank ngin khang tala noh shisyndon pura katkum ka Consumer Rights khlem da donkam ban buh kamkai ia kitei ki Automated Teller Machine (ATM) tangban shu pyni dur bad pynthut kai ia ki paidbah kiba dang donkam jingshaniah.
