Shillong, Nohprah 14: Ka Khasi Students’ Union West Jaintia Hills District unit mynta ka sngi ka 14 tarik u Nohprah 2023 kala leit ban iakynduh iaka Director of health services 
hapoh office jongka naka bynta ban thung noh ia u DMHO ba pura hapoh West Jaintia Hills District namar katkum ba long haduh mynta ym pat don DMHO u don tang u Additional DMHO.
Halor kane naka liang ka seng kala ioh iaka jingud jingnam naki paidbah jongka district ba ki shem jingeh haduh katta ba ym don u DMHO ba pura ha kane ka ophis bunsien haba ki leit ban iakynduh kam ju seisoh bad kam ju poi shaei shaei .
Ka jingbymdon u DMHO ba pura ha ka District ka la pyndkhot shibun iaka rukom treikam namarba une Additional DMHO uba khmih mynta um don satia don ka bor ban shim rai watla idei i barit nalor ki barit tam ruh te halor kane ka rukom ka seng ka lap ba ka don ka jingdkoh haka jingtreikam.
Kumta ka seng mynta ka sngi haba iakren bad i DHS kala pynbor ban thungnoh mardor ia u DMHO ba pura khnangba kan pynsuk ia u paidbah jongka thain uba donkam jingiarap na kane ka ophis naka liang kane ka sahep kala kular hakhmat jongki nongialam jongka seng ba katba lah kan shimkhia ban pynsted bad ban leh ia kaba donkam naka bynta ban pynsuk ia u paidbah ba donkam jingiarap.
