Shillong, Kyllalyngkot 07: Ka surok na Wahjri sha jan shnong Nongbah ha thain khatarshnong Sohra ka dei ka surok khyndew kaba jrong palat ia ka lai kilometer, ka jingsniew kane ka surok kala buh ia ki nongshong shnong ka Raid Mawshuit ha ka jingeh kaba khraw namar ki dang hap ban kit ia ki marep kum u sla tyrpat, Synsar da ka kjat.
Ia kane ka surok khyndew kaba lai kilometer la bhah ha ki ar bynta ka surok na Wahjri sha Mawtajuh kaba don kumba ar kilo meter tam ka dei jong ka PWD bad na Mawtajuh sha jan shnong Nongbah la shna na ka skhim Border Area Development bad na ba kut jong ka surok ban poi shnong Nongbah ka dang jngai sa kumba shikilo meter tam ei ei.
U bah Kyntiew secretary ka Raid Mawshuh haba kren ha ki lat pathai khubor u long ba kum ka raid kila leit ban ia kynduh ia ki briew jong ka PWD ban ia kren ia kane hynrei kila kren shai ba ka dei ka surok bala shna na ka Border Area development kin nym lah ban pynbha ia kane ka surok.
La iathuh ba na ka liang jong ka Raid kila leit ban ia kren ia ki MLA la bun sien bad ki ong ki kwah ban pynioh surok hynrei haduh mynta ka dang sah kum juh hynrei dang ha ka snem kaba la dep la wan jurip ban shna surok bad la jurip na kawei ka bynta ym ban bteng na ka juh ka surok kaba la don lypa jong ka Border Area Development.
