Shillong, Naiwieng 16: Ki nongialam shnong jong ka Mawlai Mawdatbaki mynta ka sngi ha poh ka jingia lam u rang bah shnong u bah B R Kharmujai bad u secretary u bah L S Lyngdoh ki la wan ban ia kynduh ia u symbut myntri rangbah u bah Prestone Tynsong ban iakren halor ka jingjia accident ka ba dang shu jia shen ha kine ki khyndiat sngi kta ha ka 13 tarik mynta u bnai ha kaba ka la shim noh ia ka jingjong kawei ka long kmie.
Ha kane ka jingwan ban ia kynduh ia u Symbut Myntri Rangbah na ka liang ka dorbar shnong Mawlai Mawdatbaki ka la rah ia ki jingdawa ha khmat u myntri badei peit ia ka tnad PWD ba un buhia ki speed breakers ha ki jaka ba don kam bad kumjuh ruh ban phah pulit pyniaid kali sha ki katto katne ki dong jong ka Mawlai .
Ha kane ka jingiakynduh ia u bah Prestone Tynsongna ka liang u secretary u bah LS Lyngdoh u la pynpaw bana ka liang u Myntri u la kular ban phahia ki engineer jong ka PWD ba kin peit bniah ia kine ki jingdon kam jong ka dorbar shnong ha ka ban wan rah jingshngain ia ka leit ka wan jong ki paitbah.
U la pynpaw ruh ba ki surok hapoh Mawlai mawdatbaki ki don kam ban don ia ki speed breakers ha ka ban lah ban pynlait na ki jingjia aksident bad kham tang kanlah ban the lakam ia ka jingpynher sted jong ki kali ar shaka bad kumjuh ruh ki saw shaka khnang ba ynlah ban tehlakam ia kumkine ki jingjia kiba dang shu jia shen.
La iathuh ba na ka liang u Myntri u shaniah ha ka jingstad jong ka Mawlai Town Dorbar bakan peit ba ha kum kino ki ja don kam ban buhia ki speed breakers. U la ong bana ka liang u myntri u la kular ban phah ia ki pulit pyniaid kali sha ka shnong Mawlai Mawdatbaki ha ka ba ka jingbun jong ki lad bad kumjuh ruh ban ia rap ban pynlait ia ka jingdheng kali ha poh ka Mawlai hi baroh kawei.
