Shillong, Rymphang 06: Ka kynhun jong ki nongthoh khubor na Karnataka ka la ïakren bad u Bah Hally War, ubapawnam namar ki kam jong u ban pynneh ia ka mariang bad u nongsumarïa ki rukom shna jingshna tynrai, ha ka jingleitjngohïa ka shnong Siej, Sohra ha East Khasi Hills district jong ka Jylla Meghalaya.
Ïa kane ka jingïakren la pynlong kum shi bynta ka Press Tour ba la pynlong da ka Press Information Bureau, Sorkar India. La pynkup burom ïa u Bah War da ka khusnam Padma Shri, kumba la pynbna ha ka sngi shuwa ka Republic Day, 2026.
Ha ka sngi kaba san jong ka Press Tour, ki nongthoh khubor ki la ïoh ban sakhimarkhmat ia ka jingim, ka kam bad ka nam jong u Bah Hally War, uba la aiti ïa la ka jong ka jingim ban pynnehpynsah bad pynskhemïa ka rukom tynrai jong ki Khasi ban shna ïa ki jingkiengjri – ka nuksa ba phylla jong ka jingpynnehpynsahïa ki kam bioengineering tynrai.
U Bah Hally War u la bat ia ka jingiadei kaba jylliew bad kaba iaineh bad ka mariang. U la sdang ban ioh jinghikai shaphang ka rukom ban pynwandur ia ki jingkiengjri ha ka rta kaba shiphew snem eiei, hapoh ka jingialam jong u kpa bad u kpa tymmen jong u.
Mynta u la dap kumba 69 snem ka rta, u dang iai bteng ban trei shitom ban pynkhlain bad pynnehpynsah ia ka jingkiengjri da ka jingaiti bad jingshim khia kaba phylla.
Haba batai ia ka rukom treikam kaba kyrpang, u Bah Hally War u la ong ba haba ki tynrai jong ki dieng ki mih shabar, la pyniaid sukisuki bad tan ia ki lyngba ki siej ne ki tnat dieng, kaba ailad ia ki tynrai ban iasoh lang katba nang iaid ka por. Kane ka rukom treikam kaba slem bad kaba suki ka pynthikna ia ka jingkhlain, jingskhembad jingnehslem jong ka jingkieng.
Haba jubab ia ki jingkyllijong ki nongthoh khubor, u la ong ba ka la shim por haduh 50 snem ban pynwandur ia katei ka jingkieng ha ka dur kaba ka don mynta bad ba u dang bteng ban trei ia ka haduh kine ki sngi ban pynlong ia ka kaba khlain bad kaba bha. U la ban jur ba ia ka jingkiengjri la shna lang da ka jingiashim bynta shitrhem jong ki nongshong shnong.
Haba pynpaw ïa ka jingsngewnguh, u Bah Hally War u la ong ba u ainguh ia U Bleiuba la kyrkhuïa u ka met kaba koit ba khiah bad ka bor ban pynïaidshakhmatïa kane ka kam bad duwai ruh na ka bynta ka bor ban pynbha shuh shuhïa kane ka jingkieng na ka bynta ka jingmyntoi ki pateng ban wan.
U la pynpaw ruh ka jingsngewnguh kaba khraw ïa ka Sorkar Jylla bad ka Sorkar India kaba la ithuh ïa ki jingtrei shitom jong u da kaba pynkup burom ia u da ka khusnam Padma Shri.
Haba ai jngkren ha kane ka sngi, u khun jong u, u Bah Willingson u la ong ba ka kam jong u kpa jong u ka la long ka tyllong jong ka jingioh mynsiem naduh dang rit bad ba ma u ruh u la sdang ia ka rukom ban shna ia ki jingkiengjri. U la ong ba namar ka jingjur u slap ha ka thain, kine ki jingkieng ki don ka bynta kaba kongsan ha ka por slap bad ha ki jingjia ba kyrkieh, ki long kum ki jingpyniasoh ba kongsan hapdeng ki shnong.
Ha kane ka jingleitjngoh, la pynkup burom ia u Bah Hally War, ka kurim jong u ka Kong PhilarisKhylep, bad ia u khun jong u, u Bah Willingson da ki ophisar jong ka Press Information Bureau ha ryngkat ki nongthoh khubor na Karnataka.
Ka kynhun ki nongthoh khubor ka la sakhi ruh ïa ka jingitynnad ka shnong Siej, kaba don hapdeng ki lum kiba jrong, bad sakhiïa ka jingkhlain ba phylla jong ka mariang bad ka jingitynnad jong ka jingkiengjri – ka dak kaba iaineh jong ka roi ka par kaba iaineh, ka jingïashim bynta jong ki paidbah bad ka jingïatylli bad ka mariang.
Ha kane ka jingleitjngoh, la synranlang ia kane ka kynhun da ki ophisar jong ka DIPR Meghalaya.
