Sillong, Lber 2: U Dr Virendra Kumar u myntri ka sorkar pdeng ba dei peit ia ka social justice bad empowerment mynta ka sngi ka 02 Lber 2026 u la khot ia ka jingialang ha Taraghar ban ia kren ha kaba iadei bad ki scheme ka sorkar pdeng kiba la pyntrei ha East Khasi Hills District.
Ha kane ka jingialang la don lang u bah Paul Lyngdoh MLA nongai buit ka sorkar ba iadei bad ka tnad social welfare, ka Deputy Commissioner ka East Khasi Hills kong R.M Kurbah bad ki ophisar na ka District East Khasi Hills.
Ha kane ka jingialang ki ophisar na ka district kila pyni ia ka jingpyntreikam haba iadei bad ki skhim jong ka sorkar pdeng hapoh ka district, ha kajuh ka por na ka liang jong ki ophisar kila pynsngew ruh ia ki jingiatyngkhuh kam haba pyntrei ki skhim hapoh ka district.
Ha kane ka jingwan jngoh u myntri ka sorkar pdeng kaba lai sngi lynter ula leit ban jngoh sha ki jaka bapher bapher kaba la pyntreikam ia ki skhim ha kane ka District East Khasi Hills na ka liang jong u myntri ha ka jingkren ka jong u ula ong ba hapoh ka jingialam u myntri rangbah duh u Narendra Modi ka sorkar pdeng ka kwah ban pyntikna ba ki kam pynroi kin poi sha ki paidbah.
