Shillong, Iaiong 03: Mynta ka sngi Thohdieng bakhuid ki khristan ha satlak ka pyrthei kila kynmaw burom ba dei ha kum kane ka sngi u Jisu u la shah iap halor Diengphna ha Kalbari, bad ha kane ka jylla Meghalaya ki riew ngeit khristan kila pyndon burom kyrpang ia kane ka sngi.
Ha kane ka sngi baroh ki jaidniam Khristan kila pynlong ia ki jingiaseng kiba kyrpang ban leh burom ia kane ka sngi kaba khuid ba ki khrsitan kiniew kum ka sngi kaba kyntang, namar dei da ka jingshah iap u Jisu halor ka Diengphna la pynim ia ki jaid bynriew na ka pop katkum ka jingneit.
Ha kane ka ka balang Katholik kala pynlong ia ka jingduwai kaba kyrpang na ka bynta ka jingialong kawei ki jaidniam khristan ha kane ka sla pyrthei bad la pynlong ia ka jingduwai kaba kyrpang na ka bynta ki jaidbynriew baroh hakane ka sla pyrthei.
Ha ka sngi sngi ha dien ka jingleh niam kum ka dak jong ka jingkynmaw ieit ia u Jisu bala iap na ka bynta kiba bun, kum ki riew ngiet ka balang Katholik kila leit ban doh ieid ia ka dur u jisu bala shah sah narphna halor ka diengphna.
