Shillong, Naitung 27: U Bah GG Kharraswai Nongialam jong ka All Mawsynram Constituency People’s Confrence (AMCPC) u la pynpaw ba ka jingtwa ka surok ha rait Mawshun, Wahmawlangdiar kala ktah shibun ia ki paidbah nongshong shnong kiba dei iaid lyngba kane ka surok namar haduh mynta ki kali kiba iaid dei tang ki barit.
Haka jingleit jong ka seng la shem ba na ka liang jong ka PWD Mawsynram Division kala shim khia bha ia kane ka kam bad kala dep ruh ban ai ia kane kam ban trei mardor, hynrei na ka liang jong ka seng ka ka kyntu ia ki bor ba dei peit ba kin kham pynkloi namar ka jingbym lait ki kali heh kala buh ia ki paidbah ha ka jingeh kaba khraw.
Da ka jingtwa kane ka surok ki shnong kiba la shah ktah ki long kumba 50 tylli ei ei, na ka liang jong ka seng na ka bynta ban pynsted ia kane ka kam kin sa leit ban ia kynduh ia u myntri ba dei peit ia ka tnad shna surok u bah Prestone Tynsong u ba dei ruh u Deputy Chief Minister ka jylla.
