Shillong, Lber 10: U Bah Wankitbok Pohshna State General Secretary ka BJP Meghalaya mynta ka sngi ula kyrpad ban pynneh pynsah ia ka jingshong suk shong shngain ha Garo Hills ha kaba kala mih ka jingia klumar ha ka 9/Lber/2026.
Ha kane ka jingjia arngut ki mynsiem briew kila duh ei bad kum ka party ka phah ia ka khubor sngewlem sha kiba haiing hasem jong kiba la khlad, kane ka jingduh noh kam dei tang ki hynrei kaba kongsan ka long ban wan rah ia ka jingsuk ban pynioh ia ka hok bad ka jingiamap kaba mar kylliang.
Kum ka jaitbynriew Garo naduh ki por hyndai hynthai kila long ki nongri nongsumar ka khyndew ka shyiap ki don ia ka riti ka dustur ban pyni sha ka pyrthei bad ka jinglong trai iaka khyndew ka dei kaba la ithuh ha ka khyrngit kaba hynriew kam dei tang ka hok ka jong ki hynrei la pynskhem da ka riti synshar.
Utei u nongialam ka BJP ula kynthoh ba baroh ki sorkar kim shim la leh eiei namar kala pyndonkam na ka bynta ka myntoi politics jong ki bad kala klet noh ia kane ka jingshisha kaba dei ka bhah ka nongkynti jong ki Garo bad dei kane kala wanrah iaki jingklumar.
Kum ka party BJP ka kyntu iaka sorkar ba kadei ban pynneh pynsah iaka hok jong ki jaitbynriew Garo katkum ka riti dustur ha ka khyrngit kaba hynriew, ka sorkar ka dei ban pynbeit da kaba khuid ba suba bad da ka jingkitkhlieh aiba ka jingsuk kan wan phai biang lyngba ka jingiakren bad ka jingiamap.
Ka sorkar kadei ban shim ki lad ki lynti bad ban duh iaka thong hakhmat eh ban wan ka jingshong suk shong sain ban pynioh ia ka hok bad ban pynpoi ia ki kam pynroi khlem da don kano kano ka jingialeh ban pynpait pynpra ha ka sain pyrthei.
Kane ka jingjia ha West Garo Hills kadei ban long kum kawei na ka bynta ban wan rah iaka jingmir jingmut da kaba burom mar kylliang katkum ka riti synshar da kaba burom iaka hok nongkynti kum ki jaitbynriew Garo haba leh ia kane leh da jingpyrkhat kaba shai tang ban lah ban weng iaka jingeh sa shisien ban kyntiew iaka ioh ka kot ka roi ka par ha Garo Hills.
