Shillong, Rymphang 21: Mynta ka sngi ka 21 Rymphang 2026 ka seng National Domestic Workers Movement bad ka Child Parliament Members kila pynsngew sha ka sorkar lyngba ki lat pathai khubor ba ka sorkar kan buh ia ka jaka sumar ei ia ki khynnah kiba ngop ha ki jingdih drok ha man la ki district ha ka jylla.
Haba kren ha ki lat pathai khubor ha Shillong Press Club ka Daleena Francis kaba dei ka peit ha kane ka jylla ia ka National Domestic Workers Movement la ong ba ki buh ka jingkyrpad sha ka sorkar ba kin pynpyrkhing ia ka jingdie laitlan ia ki jingdih ba sniew ha jan ki skul bad ha ki jaka paidbah.
Ha kane ka nongbah Shillong ia kane ka kynhun Child Parliament members la sdang ha ki bun tylli ki jaka bad ka jingdon ki khynnah ha kane ka kynhun kala kot sha ka 500 ngut bad kiba lah ban long ki dkhot ki long naduh 9 haduh 18 snem.
Ha Meghalaya ia ka Child Parliament Members dang shu sdang dang shen ha kane ka jylla bad ia ka la peit da ka seng Missionary Sisters of Mary Help of Christian ia kaba la ithuh da ka sorkar jylla ha u snem 2005 bad kane ka kynhun kala pyniar ia ka jingtreikam jong ka sha Assam, Mizoram, Manipur bad Nagaland.
