Shillong, Lber 15: Kane ka long ka jyngpynbna paitbah ia ka jinglong jingman jong ka suinbneng ha East Khasi Hills District naduh ka 15th- 19h March, 2026 katkum ka jingpyntip lypa da ka Office jong ka India Meteorological Department.
Katkum ka jingpyntip ka long,15/Lber/2026- Ka lyer bajur 40-50 kmph ryngkat bad u slap, u phria, ka leilieh ka lah ban jia ha ki katto katne ki jaka. Haka 16/ Lber/ 2026- Ka lyer bajur 30-40 kmph ryngkat bad u slap, leilieh ka lah ban jia ha ki kattokatne ki jaka .
Haka 17/Lber/ 2026- Ka lyer ryngkat bad u slap bad ka leilieh ka lah ban jia ha ki katto katne ki jaka. Ha ka 18 bad 19/Lber/2026 Ka lyer ryngkat ka leilieh ka lah ban jia ha ki katto katne ki jaka .
Kine harum ki long ki lad jingiada. Khmih bad pynskhem bha ia ki tiar ki tar kiba lah ban shah rong ha ka lyer kum ki thup dieng, ki tin sop lane mawit ba shong synjor, ki tin/ sop theh nuit, ki sign board bad kiwei kiwei ki mar kiba lah ban shah rong ha ka por ba jur lyer.
Lada ka jingba leilieh ka long kaba jur bad nehslem kan bha shibun ban nym pyndonkam ne ban Pynmeh ia ki tiar elektrik kum ki mobile. isteri. radio, telebision bad kiwei kiwei ki tiar kiba pyndonkam da ka bor elektrik.
Ki nongshong shnong kidei ban long kiba phikir ban iada ialade namar ka jingshlei um ka lah ban jia hadien jong u lapbah khamtam ha ki jaka kiba harud jong ki wah bad ki wahduid.
La kyntu ia ki paitbah ban kiar na kaba jam ia ki wahduid, ki wahbah bad ki kshaid ha ka por ba jur slap. Phim thikna ia ka bor jong ka bad ka um kaba jyndong bad tuid sted ka lah ban pynkyllon ia phi.
Wat tur ne niah ia ki kali haba don ka jingshlei um bad kiar na ki post electrik ban lait naka jingshah bat ha ki bor electrik. La kyrpad ia ki paitbah ban kiar naka mih shabar ing ha ka por ba jur u phri Phone hau 112 lada donkam jingiarap haba don kino kino ki jingjulor.
La kyrpad ia ki paitbah ban long kiba phikir bad shim ia ki lad jingiada ban lait na kino kino ki jingmynsaw, Kane ka long katkum ka jingpyntip na ka ophis jong ka Deputy Commissioner ka East Khasi Hills District kaba dei ruh ka shongknor ka DDMA.
