Shillong, Iaiong 10: Ka seng HYC ka thaiñ Riwar Mihngi ka la kyrpad na ka sorkar ba kan Map ia ka bill light mynta u bnai namar kumba long mynta ki paidbah ki lynñiar halor ka jingkyrduh namar ki la shah ktah halor la kane khlam COVID 19 bad ka Lockdown ba la pynbna da ka sorkar ia ka ri bad ia ka jylla baroh kawei. 
Ki paidbah ha Kane ka thiañ ki dei kiba duk bad kyrduh ha ka ioh ka kot wat ban thied ia u khaw ruh kim ioh pisa sa ban siew ia ka bill light naei kin ioh namar ki iakynduh jingeh namar ki mar rep kiba ki ju die ha ki iew ki hat kim ioh shuh ban die namar ka sorkar ka la khang lut ia ki iew. Kumba long mynta ka bill light ka la poi sha man la ki thliew ing ki paidbah.
Kumta ka seng ka kyrpad ia ka sorkar ba kan sngew synei lem ia ki paidbah khamtam ha kum kane ka por namar ki shem jynjar ban ioh pisa ban siew. U bah Edmund Khongngai uba dei u President ka seng ula ong ba ka jingleh ka sorkar ka long ka bym lah ban pdiang ha kum kane kapor ba ki paidbah ki mad shisha ia ka jingkyrduh.
U la ong kumno ka sorkar kam sngewthuh ia kane ka jingeh ki paidbah. Ka seng la pynrem jur ia ka sorkar halor kane. Ka kyntu ba ka dei ban pynsangeh shwa ia ka jingleit siew bill light mynta u bnai bad ban map ia ka bill ba mynta u bnai. Lane ka sorkar ka lah ban buh teng shuwa bad kin siew pat ha dien.
U President ka HYC Ri War mih ngi u bah Edmund Khongngai u la kyntu ia ka sorkar ba ka dei ban pynsngeh shuwa ban phah siew bai light namar mynta ki briew ki don ha ka jingeh wat ban thied khaw ruh ki shem jynjar, ka sorkar kala dei ban shim khia ia kane ban phah siew pat ha dien.
