Shillong, Risaw 24: Ki nongialam jong ki kynhun balang bapher bapher jong ka jylla Meghalaya hapoh ka shatri jong ka Meghalaya United Christian Forum (MUCF) kila kyntu ia ka sorkar ban pynkynriah noh ia ka sngi pynkut ia ka tamasa ‘Cherry Blossom’ namar ka kut ha ka sngi u Blei.
Ha ka kyrwoh kaba kaba la phah na ka liang jong katei ka kynhun ialam niam kila pynpaw ba man ka sngi ka dei ka jingi sngew bha na u blei, hynrei ka sngi u blei kadei kaba kham kyrpang ha kaba ki jaitniam bapher bapher ki leit ban mane pyndon burm ia u nongthaw ha ka sngi u blei, lait noh tang kato katne kiba pynlong jong iaseng ha kiwei ki sngi.
Haba ia dei bad ka Tamasa Cherry Blossom kumba ka paw ka long ba kan pynkut ha ka sngi u blei, kum ka MUCF ka kyntu ia ka sorkar ban pynkynriah ia ka sngi kut ha kawei pat ka sngi da kaba burom ia ka jingsngew jong ki ba bun khlem da ktah ia ka jingmane blei jong kiwei.
