Shillong, Kyllalyngkot 12: Ki briew ki wan ia thied ia pet, ia die ia wan na kylleng ka ri khasi Jaintia bad ka dei ka iew kaba khapngiah namar ka jingwan jong ki briew na kylleng sha kane ka iew.
Katba dang iaid ki por ki sngi, ka jingdon ki nongkloh pla ha Iewduh kala dang jyllei bad ka jingkynthoh kala leit sha kito kiba la kyrni ha ki kam dih drok bad ka jingshah kloh pla bad ka jingshah pajut ki mobile na kiba leit kala jia khah khah mynta ha iewduh.
Ka Hima Mylliem ruh kala don la ki jong ki pulit ban iaid pahara ha kylleng ka iew ban pynthikna ba ki nongtuh nonglute kim dei ban ioh lad ha ka jingdon ryngkat ruh ki CCTV kamera, nalor kata ka jingwan iaid pahara ki pulit ruh ban iarap ia ki pulit ha kima mylliem.
U Bah S. Nongkhlaw u ophisar ba dei peit ia ka thanad jong ka Hima Mylliem ha Iewduh la ong ba ka hima jan man ka sngi lyngba ki kor jingpynsawa ka juh pynbna man ka sngi ban btah ia ki paidbah ba kin long kiba husiar ia ka ia pla pisa, ki mobile ba kin lait na ka shah tuh sha lute la kyntu ia kiba wan iew wan hat ba kin long kiba husiar bha ia lade.
