New Delhi, Iaiong 03: Mynta ka sngi kadei ka sngi kaba 9 jong ka jingpakhang shnong ha baroh kawei ka ri b
The Prime Minister, Shri Narendra Modi arrives, in Chennai on October 11, 2019.
an iakhun pyrshah ia ka jingpang Corona. Ym pat ju iohi ia ka jing iaid beit ki kam bad ka mynsiem ban trei ia kine ki kam kum ba phi la ia pyni ha kane ka por bad ka pyni ruh ka mut aiu kata ka jingiaid beit bad ka mynsiem trei shitom.
Ka Sorkar, ki bor pyniaid bad ki paidbah, baroh ki la iatreilang ha ki jingpyrshang ba tyngeh ban pyniaid beit iaid ryntih ia ka jinglong jingman katba lah. Ka rukom ha kaba phi la pynpaw ka jingsngewnguh ia baroh kito kiba iakhun pyrshah ia ka Coronavirus ha ka 22 tarik Lber, Sngi U Blei, mynta ka la long ka nuksa ia baroh ki ri. Bun mynta kiba la pynbud ia kane.
Watla ka long ka curfew jong ki paidbah, ka jingtied baje, ka jingthap kti lane ka jingtied pliang, kine baroh ki la pynlong ia ka ri ban sngewthuh ia ka bor jong ka jingiatylli ha kum kine ki por jong ka jingtynjuh.
Kane ka la ialam sha ka jingngeit kaba jylliew ba ka ri ka lah ban iatylli kum kawei ha ka jingiakhun pyrshah ia ka Corona. Kane ka mynsiem jong ka jingiatyllilang jong phi, jong ka ri, ka la paw ha ka ha kane ka por jong ka jingpakhang shnong.
Ko Paralok, mynta ka sngi, haba da ki klur ki briew jong kane ka ri ki shong khop ha la ki iing ki jong ki, ka long kaba dei ia baroh ban buh ka jingkylli kiei ki kam ba ki lah leh hi dalade.
Don katto katne ki briew kiba lah ban sngewkhuslai shaphang kumno kin iakhun ia kum kane ka jingiakhun kaba heh dalade. Bun ki don kiba sngewkhia halor sa katno sngi kin hap ban shong kumne.
Ko Paralok, kane kadei ka por jong ka jingpakhang shnong, bad mynta ngin hap iashong khop ha la ki jong ki iing, hynrei ym don na ngi ba long marwei. Ka bor jong ka 130 klur ki nong India kiba iatylli ka don bad ngi baroh, kadei ka bor jong uwei pa uwei na ngi baroh.
Kadei kaba donkam ia ki briew ka ri ba kin mad ia kane ka jingiatylli na ka por sha ka por, ka jingmad ia ka jinglong ba khraw jong kane ka jingiatyllilang.
Ko Paralok, ka don ka jingsngew ba ki briew ha kane ka ri kidei ki nuksa jong ka bor Blei. Kumta, haba ka ri ka iakhun ia kum kane ka jingiathun kaba khraw, ki briew kidei ban mad ia kane ka bor jingkhlain na ka por sha ka por kaba la paw ha ki briew hi.
Kane ka jingjia ka la pynshlur ia ngi baroh, ka la pyni shai ia ka lynti ba ngi dei ban iaid, ka thong jong ngi baroh kumjuh ruh ka bor ban leh ia kaba donkam.
Ko Paralok, hapdeng ka jingdum kaba saphriang namar ka jingpang, ngi dei ban iaid shaphrang sha ka jingshai bad ka jing kyrmen. Ngi dei ban ialeh ban shim ia kito kiba la shah ktah, ki hymen ki para jong ngi, na ka jingsngew kut lad sha ka jing kyrmen.
Ngi dei ban pynkut ia ka jingdum bad ka jingbym thikna na kane ka apot da kaba iaid shaphrang sha ka jingshai bad ka jingkut jingmut. Ngi dei ban jop ia ka jingdum jong kane ka apot da kaba pynsaphriang ia ka jingkhraw jong ka jingshai sha baroh ki liang.
Dei narar kane ba ha kane ka sngi u Blei, ka 5 tarik u Iaiong, ngi dei ban ai reng ia kane ka jingdum ba la mih na ka jingpang corona bad ngi dei ban pynkynduh ia ka bad ka jingshai.
Ha kane ka 5 tarik u Iaiong, ngi dei ban kyrsiew thiah ia ka bor jong ki 130 klur ki briew ka ri. Ngi dei ban rah ia ka jingkut jingmut jong ki 130 klur ki briew sha ki kliar kiba thymmai.
Ha ka 5 tarik u Iaiong, ha ka sngi u Blei, nga kwah 9 minit na phi baroh ha ka por 9 baje mynmiet. Sngap bha, ha ka 5 tarik u Iaiong, ha ka por 9 baje mynmiet, pynlip lut ki sharak ha ki iing jong phi, ieng ha ki jingkhang lane ha ki baranda bad thang ia ki mumbati ne ki diya, ki torch ne ki mobile flashlight haduh 9 minit naduh 9 baje mynmiet ha ka 5 tarik u Iaiong.
Ha kata ka por, lada phi la dep ban pynlip ia ki sharak ha ki iing jong phi, bad baroh ki briew ki la thang ia ki diya, ngin iohi ia ka bor jong ka jingshai kaban pyni ia ka thong ba ngi baroh ngi don.
Ha kane ka jingshai, ha kane ka jing phyrnai, to ngin ia kut jingmut ba ngim don marwei, ba ym don uno uno u briew uba don marwei! 130 klur ki briew jong ka ri ki long kiba skhem jingmut ha kane kawei ka thong!
Ko paralok, nga don sa kawei ka jingkuntu ba yn ym don ki jingialang briew ha ka jing iashim bynta ha kane ka prokram. Sngewbha wat ym mih sha ki lynti synkien jong ki shnong jong phi, leh ia kane na ki jyngkhang ne ki baranda jong ki iing jong phi.
Ym dei ban don kiba tam ia u lain ‘Lakshman Rekha’ jong ka jing iajngai iwei na iwei. Ym dei ban pynkhein ia ka jingdonkam ban iajngai iwei na iwei. Dei tang kane kaba lah ban iada na ka jingpur jong ka jingpang Corona virus.
Kumta, ha ka 5 tarik u Iaiong ha ka por 9 baje mynmiet, shong marwei katto katne por bad pyrkhat shaphang ka ri, mutdur ia ki dur khmat jong ki 130 klur ki briew ka ri.
Sngewthuh ia ka jingkut jingmut jong ki bad ka bor ba ngi don. Kane kan ai bor ia ngi ba ngin ialeh, bad ka jingshlur ba ngin jop ha kane ka por jong ka jingeh.
