Shillong, Lber 29: Mynta ka sngi u Conrad k Sangma president ka party NPP ba dei ruh myntri rangbah ka jylla mynta ka sngi u la leit ban ialap elekshon ia u Dipul Marak ba dei CEM ka GHADC na Rochonpara.
Haba kren ha jingialang paidbah ha Garobadha la ong ba hapoh ka jingialam jong u Dipul la shim bun ki lat ki lynti kumno ban kyntiew ia ka Council bad ban weng ia ki nongtrei snaiap hapoh jong ka GHADC.
Ha Kane jingialang paidbah u Conrad u la kyrpad ia ki padbah ba kin ai ka jingkyrshan ia u Dipul namar u dei u briew ba trei na ka bynta ki paidbah bad u long u ba shitrehem ha ka party bad u don ka jingiajan bad u kpa jong ki u Purno A Sangma.
Kum u CEM jong Ka GHADC u la ialeh ban sain dur thymmai ia ka GHADC da ka ba shim bun ki lat ki lynti bad ka ba kongsan ka long ba u la wenglut ia ki nongtrei snaiap hapoh ka District Council.
