Shillong, Kyllalyngkot 29: Mynta ka sngi ka kynhun shipai Assam Rifle kala pynlong ia ka jingiakynduh lang jong ki shipai kiba la shongthiat ha Gorkha Training Centre ha Happy Valley, Shillong bad ha kane ka sngi la pynbna paidbah ba la buh ia ka jaka ba ki lah ban ujor ia ki jingeh kaba ki ia kunduh.
Ha ba jingkren ha kane ka jingiakynduh lang mynta ka sngi ka 29 Tarik Kyllalyngkot u General Mohit Wadhwa SM ba dei u GOC ka 101 u la ong ba u ai khublei pdiang sngewbha ia ki shipai kiba la shong thiat bad kumjuh ruh ia ki shipai kiba dang don ha ka jingshah hikai.
Ka jingkhublei ka leit sha kito ki shipai kiba la shongthiat kiba la len lade bad dei na ka jingshakri jong ki kala pynsah nam ia ka kynhun shipai namar ba kila pyndep hok iala ka kamram kaba la bynshed ha ki bad haba ki leit ban trei kylleng kylleng wat ha pdeng ki jingeh.
Ha kane ka sngi u la ong ba kum ka kynhun shipai dei ban peit ia ka jingeh kaba kila ia kynduh kine ki shipai kiba la shong thait bad kane ka jingpynlong ia kum kane ka jingialang ka long ban ai ka burom bad ban iarap ia ki kurim jong ki shipai kiba la khlad.
Lada don kano kano ka jingeh ka long ba ki kloi ban iarap, la ka long ha ka kam ka jam, la dei ha kano kano ka jingeh kaba ki ia kynduh bad ki kam kiba ia dei man ka sngi bad haba ia dei bad ki kam ain ruh ki kloi ban iarap bad kane ka jingialang ka long ban pynshai ia kaei kaba ki lah ban leh.
