New Delhi, Nohprah 23: Ha u mawmer ba kongsan ban pyni ia ka jingpynkhlain ia ki jingdon jingem ba iadei bad ki lad ai jingsumar jong ka ri bad ban kyntiew ia ka jingtbit ha ki kam ai jingsumar ha India, ka India ka la kot sha ka thong. La shna 1,02,23,619tylli ki Ayushman card ha ka Viksit Bharat SankalpYatra.
Hapoh ka Viksit Bharat SankalpYatra kaba dang iaid mynta, ka jingwan iashim bynta ki briew ka la kot 1,31,66,365ha 79,487 tylli ki Health camp ba la pynlong ha 3,462 tylli ki Gram Panchayat bad ki Bor pyniaid shnong ha ki jaka sor, haduh mynta.
Hapoh ka skhim ba kyrpang jong ka MoHFWna ka bynta ka Viksit Bharat SankalpYatra, la shna ia ki Ayushman Card da kaba pyndonkam ia ka Ayushman app bad la sam markhmat ia ki card sha ki nongioh jingmyntoi.
Haduh mynta, la sam palat 23,83,473 tylli ki card sha kiba dei ban ioh jingmyntoi. Ki Ayushman card ba la shna ha ki health camp hynnin ka sngi kilong baroh 6,34,168tylli. Ayushman cards.
La pynlong ia ka jingeksamin ia ki briew kiba don ia ka jingpang TB da kaba peit ia ki dak jingpang, ka jingtest ia ka kyrkhah, bad ka jingpyndonkam ia ki kor NAAT.
La phah sha ki jaka sumar ba kham halor ia ki case ba suba don ia ka jingpang TB. Hashuwa ban kut ka sngi ba 36, la eksamin palat 49, 17,356 ngut ki briew bad na kane palat 3,41,499 ngut la phah sha ki jaka sumar kiba kham halor.
Hapoh ka PradhanMantri TB Mukt Bharat Abhiyan (PMTBMA), la shim ia ka jingai jingbit jong ki briew kiba don ia ka jingpang TB na ka bynta ban ioh ia ki lad jingiarap na ki NikshayMitra.
Ki briew kiba kwahia ki NikshayMitraki ioh ia ka lad kyntiew kyrteng mardor ha kine ki jaka. Palat 1,17,734 ngut ki nongpang ki la ai jingmynjur hapoh ka PMTBMBA bad la pynrung kyrteng palat 39,819 ngut ki NikshayMitra ba thymmai.
Hapoh ka NikshayPoshanYojana (NPY), la ai jingiarap pisa sha ki nongpang TB lyngba ka Direct benefit Transfer. Na ka bynta kane, la lum ia ki jingtip shaphang ka bank account jong ki nongioh jingmyntoi ki bym pat pyndep bad la pyniasoh ia ki bank account bad u Aadhaar. La lum ia ki jingtip jong 30,093 ngut kiba dei ban ioh ia ka jingmyntoi.
Ha ki jaka ba bun ki nongshong shnong riewlum, la pynlong ia ka jingeksamin ia ki briew (haduh 40 snem ka rta) na ka bynta ban lap ia ka jingpang Sickle Cell (SCD) lyngba ki test Point of Care (PoC) na ka bynta ka jingpang SCD lane lyngba ka Solubility Test.
Ia ki briew ba don ia kane ka jingpang la phah sha ki jaka sumar ba kham biang. Palat 5,08,701 ngut ki briew la dep eksamin haduh mynta, na kane 21,793 ngut la lap ba ki don ia kane ka jingpang bad la phah ia ki sha ki jaka sumar ba kham biang.
La pynlong ka jingeksamin ia ki briew kiba naduh (30 snem shaneng) na ka bynta ka jingpang Hypertension bad Diabetes bad ia ki briew ba suba don ia kine ki jingpang la phah sha ki jaka sumar ba kham halor.
La eksamin kumba 10,297,809 ngut ki briew na ka bynta ka jingpang Hypertension bad Diabetes. Palat 4,82,667 ngut ki briew ki don ia ka jingpang Hypertension bad palat 3,45,898 ngut kidei kiba don ia ka jingpang Diabetes bad la phah ia palat 7,59,451 ngut ki briew sha ki jaka sumar ba kham biang.
Ia ka Viksit Bharat SankalpYatrala plie da u Myntri Rangbah duh ha ka 15 tarik Naiwieng na Khunti, Jharkhand ban pynpoi pura ia ki jingmyntoi jong ki skhim ka sorkarpdeng ha kylleng ka ri.
Kum shi bynta ki jingai jingshakri kiba mardor hapoh ka Viksit Bharat SankalpYatra, la pynlong ia ki health camp ha ki jaka ba sangeh ki kali IEC Van ha ki Gram Panchayat.
