Shillong, Lber 08: Ki pulit ka jylla la jan man ka sngi ki ioh jingujor ka shah tuh ki bike bad ki scotty na ki bynta bapher bapher ka jylla naduh Garo Hills ha duh Jaintia Hills ka jingshah tuh ka long jan man ka sngi.
Ka jingshah tuh kaba kham bun eh ka dei na kane ka nongbah Shillong, ha kaba ki nongthuh ki nud ban tuh wat na phyllaw iing bad kane kala paw ha ka jingujor ki trai bike bad trai scotty ha ki ejahar.
Kumba ka paw na ka jingioh kurup jong ki pulit ia ki bike bad ki scotty kiba bun ki dei na khappud bad ka Bangladesh bad lada ki nognthuh ki ioh ban pynrung Bangladesh kam don shuh kata ka jingioh pat ia kiba la shah tuh.
Ki thymmei khubor na ka tnad pulit kila iathuh ba kane ka jingjah jong ki kali ar sha kala dang jur na ka por sha ka por wat na ka liang jong ki pulit ruh ki la juh ioh kem ia kiba don kti, ha ka juh ka por la bthah ba ki trai kin peit ba buh ha ki jaka ba shngian khamtam ha ka por miet.
