Shillong, Kyllalyngkot 10: U myntri rangbah ka jylla u Conrad K Sangma u la ong ba ha ka sngi 9/1/2026 kala don ka jingjia kaba sngewsih ha ka jingiakawang maw ha Rajabala ha kaba u wei u samla u la khlad bad u wei pat u la mynsaw jur.
U myntri rangbah u pynremjur ia kane ka jingjia bad ha ka juh ka por u phah ia ka khubor sngelem sha ka ing kaba sem kaba mat ia kane ka jingsngewsih, ha ka miet sngi thohdieng ki pulit ka West Garo Hills kila pynlong ia ka jingkhynra ba bun ki jaka.
Ha kane ka jingkhynra ki pulit kila ioh ban kem lai ngut ki briew kiba la suba don kti bad na ka liang jong ki pulit ki trei borbah ban wat ia kiwei kiba dang laitphet kiba donkti ha kane ka kam runar kaba la poi sha ka jingiap briew.
Mynta ka sngi u Deputy Commissioner u la khot ia baroh ki kynhun jaidbynriew ban thaw ia ka kommittee jingsuk bad ban pynthikna baroh kiei kiei ban ia kren kin sa ia kren bniah ha kane ka Kommitte jingsuk.
Umytnri rangbah ka jylla u kyntu ia ki paidbah ka rilum Garo ba kin pynthikna na ka jignshong suk shongsain hapdeng ki jaidbriew baroh, u myntri rangbah u la ong ba kin sa don shibun ki khubor ha ki Social Medie bad ia kum kine ki khubor da ia husiar.
Ha kane ka por na ka liang jong myntri rangbah ka jylla u la ai ka jingkular ba ki pulit bad ki bor jong ka District kila leh ia ka kam ban pynthikna ba ka ain kan leh ia kaba don kam bad baroh kito kiba don kti ha kane kakam runar yn sa pynshitom katkum ka ain.
