Shillong, Lber 25: Ka ophis jong ka Additional Deputy Commissioner jong ka Pynursla Civil Sub Division kala pyntip paidbah ba la shai ka sngi naduh ka por 9.00 baje mynstep yn khang ia ka surok Shillong Dawki ha ki bynta jong ka Mawlieh.
Ka jingkhang ia kane ka bynta jong kane ka surok ka long ban la shai ka sngi kan don ka jingpynbethei Dynamite ka por khang kan long naduh ka 9.00 baje mynstep bad ia ka por ban plie ban shah iaid kali ka long haduh ban da pynbna da kiwei pat.
La leh ia kane namar don kam ban shna ia kane ka bynta jong kane ka surok da ka kompeni ba pyntrei ia kane ka surok, la maham ia ki briew ba kin kiar na kaba leit sha kane ka jaka ban iaid ha ka por bala mana.
