Shillong, Lber 11: Ki bor jong ka District Administration ka South west Garo Hills District kila pynmih ia ka hukum ba la khang pyrshah ban die ia ka petrol bad diesel ha ki klong, ki bilor, bad kiwei kiwei ki jingdiang,kane ka jingpynbna kan trei kam mardor.
Ka District Magistrate ka Anendya Raajsshre,IAS kala ong ba la pynjari ia kane namar ka jingdon ka jingiakynad ha ki bynta jong ka West Garo Hills District haba ia dei bad ka jingiashim bynta ha ka elekshon MDC ha GHADC.
Ia kane la leh ban iada na kino kino ki jingmynsaw bad ban pyntikna ban don ka jingshong shngain ki paidbah nongshong shnong ha South West Garo Hills, ia kane la pynjari hapoh ka kyndon 163 jong ka BNSS bad kane kan trei kam haduh banda pynbna da kum wei pat.
Katkum kane ka jingpynbna ka long katkum ki kyndon jong ka Petroleum Act,1934 bad Petroleum Rules 1976, la bidong tyngeh ba yn nym shah ban die ia ka petrol bad diesel lada don kiba pynkhein ia kane yn pynshitom hapoh ka kyndon 223 ka BNS, hynrei ka jingai ia ka petrol bad diesel na ka bynta ki tower mobile bad ki company ba pyntrei kam kan long katkum ka hukum ba la pynmih na ka ophis jong u DC supply.
