Shillong, Kyllalyngkot 30: Ka Kripa Victoria Foundation kaba dei ka jaka ri ia ki riew tymmen kiba ym don shuh ki nongri nonglum kaba don ha Nongsder mynta ka sngi ka 30 Tarik kyllalyngkot 2026 u Fr Anugrah Kerketta u ba peit ia ka RRTC Umran Niangbyrnai u la kyrkhu duwai phirat ia ka KRIPA Victoria Gardens of Rememberence.
Ka KRIPA Victoria Gardens of Rememberenc ka dei ka jaka ba ka Kripa Victoria Foundation ka thied kyrpang ban pynlong lum jingtep. Katkum ka jingiathuh ka Kong Victoria Wallang kaba dei trai jong ka Kripa Victoria Foundation ka la ong ba katei ka jaka ka lah ban rung kumba 70 jingtep eiei.
Shuh-shuh ka la iathuh ba ki riew tymmen kiba sah hapoh ka jaka ri ia ki riew tymmen ki don kiba na bar ka jylla kumjuh kiba na bar jong ka ri, kumta ka Foundation ka pynkhreh ia ka jaka.
