Shillong, Iaiong 12: Ka sorkar ka khlem pat siew ia ka baibam ki tynmen, ia kiba dukan dkhot met bad ia ki long kmie bym don kpa shuh mynta la palat shisnem kiba hap ha West Khasi Hills District.
Katkum ki thymmei khubor kiba la ioh da u SP News Agency la ioh jingtip ba ka sorkar ka siew katduh eh dei ha u bani Lber 2025 bad baduh katei ka por haduh mynta u bnai Iaiong 2026 ka khlem pat siew sha kitei ki briew.
Ka jingsiew sha kine ki briew kiba dei ban ioh ia ka bai bam Tynmen, kiba duna dkhot met bad ia ki long kmie bym don kpa shuh la leh na ka tnad Social Welfare lyngba ka shnat trei kam ka ICDS kaba peit ia kane ka jingsiew.
Katkum ki jingtip kiba la ioh ka jingsiew sha kiba dei ban ioh ia kane ka jingiarap kam long ryntih ha kaba jylla ka don ka jingiapher na kawei ka district bad sha kawei pat ka District, kiba ioh ia kane ka skhim ki pynsngew ba ka sorkar ka dei ban pynlait lang ha ka juh ka por ia baroh la ka dei shisnem ne ar snem ruh kam dei ban don ka jingiapher.
