Shillong, Kyllalyngkot 22: Ka jingpynieng ia u Dome ha tnum ka iing dorbar thawain ka jylla Meghalaya kala iaid sha khmat ka jingpynieng kala jan dep ban pyndait ia ki nar kiba dei ban pynwan dur ia ka Dome ha ka iing dorbar jong ka Meghalaya Legislative Assembly.
Ha u bnai Risaw haba u shongknor jong ka High Power Committee u Lamgphang ka iing dorbar thawain ka jylla u Thomas A Sangma u la leit ban jurip ia ka jingtrei ka iing dorbar ha ryngkat ki ophisar ban pynthikna ba kane ka jingtrei kan iaid beit.
Na ka liang jong u Lamphang ka iing dorbar thawain ka jylla u la shim khia bha ban pynthikna ba ka jingtrei ia kane ka iing dorbar thawain kan iaid beit bad ban dup lah ban pyndepia ka ha ka por kaba biang kumba la buh.
Kumba ka long ka jingtrei ia u Dome kala dang sha khmat bad khmioh lynti ynda la dep ban shna ia u Dome ka jingtrei kala iaid beit sha khmat, haduh mynta ka jingtrei kala iaid beit katkum ka jingthmu haba pyntrei ia kane ka iing dorbar thawain ain.
Lah ban pynkynmaw ba u Dome jong ka iing dorbar thawain ka jylla Meghalaya kala khyllem ha ka miet 22/Jymmang/2022 bad ha kane ka jingkhyllem u Dome kam shym don kano kano ka jingjia kaba sngewsih.
