Shillong, Nohprah 15: The Meghalaya State Skill Development Society jong ka South West Garo Hills District mynta ka sngi kala pynlong ia ka jingialang ban sam ia ki syrnot sha ki samla kiba la pyndep ia ka jingshah hikai ha ki jaidkam bapher bapher na ka Skills Meghalaya Project Inter State Border Area Development Programme kaba la pynlong ha Ampati.
Baroh ki samla kiba la shah hikai ki long 217 ngut, ki jinghikai kiba la ai ka long kumno ban pynneh ia ki jingbam bad ban shet jingbam, ia kane ka jinghikai la sdang ha ka 21 Tarik Naitung 2025 bad la pynkut ha ka 14 Tarik Naiwieng 2025 bad ia ki syrnot la sham mynta ka sngi ka 16 Tarik Nohprah 2025 da u MLA ka Mahendraganj, u Sanjay A. Sangma ha ka jingdon lang ka Deputy Commissioner, South West Garo Hills, ka Hema Nayak, la don lang ruh kiwei kiwei ki heh sorkar.
Haba kren kum u kongsan u Sanjay ba dei u MLA u ka kyntu ia ki samla ba kin pyndon kam ia ka jinghikai kaba ki la ioh bad la don kam ki dei ban ia kynduh ia ki nongialam ha ki ha ki shnong ki thaw ba kin ioh ia ka jingbtin lynti, u la ai khublei ia kiba la ai ia kane ka jinghikai sha ki samla.
Ia ka Tesilchi Ch. Sangma ka ophisar kaba dei peit ia kane ka kam hikai kala long ban a ka bynta kane ka snem mang tyngka 2025-2026 la lah ban pyndep haduh 80% ban ai jinghikai ha ki kam bapher bapher bad la ong ba don kiba la pyndep ia ka jinghikai kila sdang ban kamai bad kala don ruh ka jingpynioh kam wat sha bar jong ka ri bad kane ka long ba ki samla kin ioh ia kiwei ki kam shar na ki kam sorkar.
Ha kane ka sngi ki samla kiba la wan sha hikai kila pynpaw ia ka jingsngew ka jong ki ha kaba ki don ha kine ki bnai katba ki dang shah hikai bad ki khmih lynti ba lyngba kine ki jinghikai kaba kila ioh kin ioh ia ka lawei kaba biang na ka bynta jong ki.
