Shillong, Rymphang 25: plie lad plie lynti iaki khun samla kiba don sap haka jingialehkai Kriket naka liang ki riew rangbah jong ka thain Umsning ha Ri Bhoi District kila pynkha iaka shnat ialehkai kriket kaba la tip kum ka Central Ri Bhoi Cricket Association hakaba iaka post President la shimti da u Bah Donkupar Sumer u Vice President u Bah Rocky Marwein u Secretary u Bah Stevanson Wahlang u Assistance Secretary u Bah Vicky Mylliemngap lem bad kiwei kiwei ki nongkitam.
Ha ka 24tarik u Rymphang 2026 naka liang ki nongkitkam ka Central Ri Bhoi Cricket Association kila pyntip paidbah ba iaka jing form iakane ka Association kan dei kum ka jingplie lad plie lynti iaki ba donsap haka jingialehkai Cricket kiba kynthup naduh ki hep ki barit haduh kiba la san bad ki jing jingialehkai Kriket kan dei kum ka Test ka League bad knock out Cricket Tournament bad ka jingialehkai kan dei beit tang daka ball readies.
Bad shuh shuh naka liang ki Nongialam kila pyntip ruh ba kan sa pynlong daka 1st Central Ri Bhoi Cricket League 2026 ka ban sa pynlong ha madan Umsning Sports and Cultural Club Playground hakaba hakane ka tournament yn shah tang iaki nong shong shnong jong ka District Ri Bhoi bad hakane ka cricket tournament yn nym shim bai rung iaki club ki ban wan shim bynta hakane ka Cricket tournament.
Ia ka kynhun nongjop kin ioh ban rah iaka khusnam kaba 50 hajar tyngka bad iaka kynhun kaba ar kan ioh ia ka khusnam kaba 20 hajar tyngka bad iaka tarik ba khatduh ban rung kan dei haka 14tarik u Lber 2026 bad naka liang ka Association ka khot bad ka wer iaki club lane ki kynhun ki bapher bapher ban wan ban ia shim bynta ha kane ka 1st Central Ri Bhoi Cricket League 2026 .
