Shillong, Jylliew 01: U Bah Prestone Tynsong symbut mytnri rangbah ka jylla, mynta ka sngi u la iathuh ba ka sorkar kala shim ia ka rai ban la shah ia ki briew jong ka jylla ba kin ia leit ia wan na kawei ka District sha kawei pat ka District.
Haba ia dei bad ki kali ruh la shah ba kin ia leit ia wan na kawei ka District sha kawei ka District tang ba kan long tang 50% ia ki kali jong ki riew shimet bad ia ki kali kamai ruh, kumno ban pyniaid ia ki kali la aiti sha ki DC bad ki DTO ba pynbeit ia ki Odd bad Event number.
Ban plie ia ki dukan bapher bapher ka sorkar kala ai bor sha ki Deputy Commissioner ba kin pynbeit ia kane ka kam ban plie ia ki dukan hynrei ia ki dukan Khap snniuh, ki Saloon, ki Beauty Parlour bad ki dukan sha ha ki National High Way ka sorkar kam pat shah.
La iathuh ba haduh mynta ka sngi ki briew jong ka jylla kiba la wan phai ki long haduh 11916 ngut, kiba la shim sample ki long 8504 ngut, kiba la ioh reslot ki long 8094 ngut bad kine ki long Negative, ki reslot kiba dang ap ki long 343 ngut. Baroh la iatip ba kiba la ioh COVID-19 dei 27 ngut, wei la khlad, 12 ngut la jem bad 14 ngut ki dang don ha ki jaka sumar.
