Shillong, Naiwieng 19: U Lamphang jong ka iing dorbar jong ka Khasi Hills Autonomous District Council (KHADC) u Bah Phynshngianlang Syiem u la pynbna hapoh ka iing dorbar ba kala don ka mat ia kren bym don jingshaniah shuh ia ka Executive Committee kaba la khlieh da u Bah Teinwell Dkhar, ia kane la wanrah da u bah Lamphrang Blah na ka seng Congress.
Halor kane ka mat ia kren, na ka liang jong u Lamphang jong ka iing dorbar u la ong ban pdiang ia ka mat ia kren bym don shuh ia ka jingshaniah ia ka Exectuive committee don kam ban ieng saw bynta na ka jingdon ki dkhot jong ka iing dorbar ha ki jaka shong kaba ki dkhot ka iing dorbar ki don.
Haba la phah ban ieng, ki dkhot ka iingh dorbar kiba don ha ka liang pyrshah kila ieng baroh 10 ngut, khyndaingut na ka liang jong ka party Congress bad ka Kong Grace Mary Kharpuri kaba dei ka dkhot shimet. Ka jingieng jong ki 10 ngut ki MDC kala long palat ia ka saw bynta na ka jingdon ki dkhot ha ka iing dorbar kaba 29 ngut.
Haba la ioh ia ka jingmynjur jong ka iing dorbar na ka liang jong u Lamphang jong ka iing dorbar u la buh sngi ba ia kane ka mat jingiakren bym don jingshaniah shuh ia ka Executive Committee kaba la ialam da u CEM Bah Teinwell Dkhar yn ia kren hapoh ka iing dorbar la shai ka sngi ha dien ka pla jingkylli.
