Shillong, Naitung 10: Ka sorkar mynta ka sngi kala shim ia ka rai ban test ia ki paidbah nongshong shnong jong ki lai tylli ki shnong kiba don sawdong jong ka BSF ha Umpliang, kita ki long ka Rynjah, Nongmynsong bad Mawpat.
Shuwa ban sdang ia kane ka jingtest kan don ka jingialang bad ki COVID-19 Management Committee jong kitei ki shnong, 10 baje mynstep ha Nongmynsong, 11 baje mynstep ha Rynjah bad 12.00 shiteng sngi ha Mawpat, la iathuh u symbut myntri rangbah ka jylla u bah Prestone Tynsong.
U Bah Prestone u la ong ba kane kam mut ban leh tang ha kitei ki jaka hynrei lada don kam lah ban pynbun shuh shuh ki jaka, hynrei kane kaba kin leh mynta ka long katkum ka kaiphit kaba la ioh na ka tand ka koit ka khiah bad na kane District Administration.
ka jingleh ia kane ka test ia kitei ki lai tylli ki shnong la shai ka sngi ynleh da ka Antigent Kits Test bad la da ka paw positive ha kane ka test kala dei ka COVID-19 la ong u Dr A War Director ka tnad ka koit ka khiah.
La iathuh ba ia ka jingpynbna ia ka Frontier Headquarter jong ki BSF ha Umpling kum ka Containement Zone la leh naduh mynne mynmiet, da kane ka jingpynbna ki briew kim lah ban rung sha kane ka jaka bad ki briew kiba sah ha kane ka jaka kim lah ban mih.
Kala don ruh ka jingiakren bad ka sorkar pdeng ba ia kito kiba dang sah kiba khlem wan phai kin nym shah suh ban wan phai, hynrei ia kiba la don ha lynti la shah ia ki ba kin wan hynrei kin nym ioh ban leit sha jaka sah jong ki hynrei ki hap ban but ia ki kyndon kiba la buh da ka sorkar jylla.
