Shillong, Nailar 02: Ka jingkop jngi kaba 51st National Junior Swimming Championship 2025, kan sdang la shai ka sngi ha Ahmedabad, na ka Meghalaya Swimming Assocaition kala phah 9 ngut ki ban ia shim bynta ha kane ka jingiakop.
Ka MSA kala phah ar kynhun kiban ia shim bynta ha kane ka jingiakop, ha ka kynhun kaba nyngkong ki don san ngut, kiba ia shim bynta ki long saw ngut ki shynrang , u Elberz W. Kharbani 16 snem, Shaun Maxwell Diengdoh 17 snem, Wanshan Ia U Allya 16 snem, Elhanan Kharwar Nongrum 14 snem, bad tang marwei ka kynthei ka Emi I Rta Ksoo 14 snem.
Ha ka kynhun kaba ar, ki don saw ngut ki nongiashim bynta lai ngut ki shynrang, Meiai Pynsan Lyngdoh Tron, Mechwa Na I Nikhla Siangshai, Synrang Batngen Marbaniang baroh lai ngut ki dei kiba 13 snem ka rta, ha kane ka kynhun don kawei ka kynthei, ka Verem Gedaliah Nongsiej 13 snem ka rta, ia kane ka kynhun la buh ha ka jingpeit jong u bah Jonathan Dunnai.
Ha ka jingiakop jngi kaba 41st National Sub-Junior Swimming Championship 2025 ka ban long ha Bangalore, kan sdang ha ka 4/8/2025, ha kane ruh ka MSA kala phah ar ngut ki ban ia shim bynta, u Keanan G Nongrum Momin 11snem bad ka Anisa Phanbuh 11 snem, ia kane ka kynhun la phah hapoh ka jingpeit jong u bah Mark H Nongreum kine baroh kila don sha katei ki jaka la ong u bah Baika R Lyngdoh General Secretary ka seng.
