Shillong, Naiwieng 04: Halor ki jingynnoh ba harukom ha kaba ia dei bad ka jingpyntrei kam ia ka National Education Policy 2020, bad ia ka jingthung ia u nongai jingmut hapoh ka skul bah North Estern Hill University u Prof. Prabha Shankar Shukla u la pynshai ba la leh ia kitei baroh katkum ki rai bad ki kyndon kiba don ha ka ain jong ka NEHU Act 1973.
Ki jingpynshai kiba kongsan kibala pynshai da u Vice Chancellor ka NEHU ka long ba ia ka jingpyntreikam ia ka NEP 2020 naduh mynta u snem 2023-2024, ia kane ka rai la shim ha ka jingialang jong ka Academic Council kaba 104th ia kaba la rai ban pyntreikam kumba ka long.
Ka skul bah kala thung ia u Prof. S M Sungoh, Coordinator, Implementation Committee for NEP 2020 ha kaba ia dei bad ka jingpyntrei kam ia ka NEP 2020 ba lada don ki dei ban phah ia ki jingthoh hapoh shibnai hynrei ym don bap hah kano kano ka jignthoh ban kynthoh ne ban ai jingmut ruh.
Haba ia dei bad ka jingthung ia ki ophsiar ba kyrpang ka long ba la thung kontrak na ka bynta lai bnai bad la juh thung biang ka shong ka jinglah trei kam jong ki bad shuwa ban thung la khot ia ia ki aplikoshon hynrei ym don bat hep kumta namar ka jingdon kam kyrkieh ka kam la thung kontrak noh ia u ophsiar ba kyrpang.
Ka jingthung ia u nongai buid jong ka skul bah u Rohit Prasad ka jingsiew ka long beit T.75,040/- khlem don ka jingsiew ia ka baileit bai wan jong bad ia kane ka jingthung la ioh ia ka jingmynjur na ka Executive Council kaba la ai bor ia u VC ban thung ia nongai buid.
Ka jingthung ia u Prof. G Singhaiah kum u khlieh jong ka tnad pule SEMIS ka shnong ha ka jinglong bala trei shlem ha ka kam ia kaba la thung mynta la ar snem shiteng bad ka kyrteng jong u Prof. G Singhaiah kam shym paw hangno hangno ia ka jingkynnoh pyndon kam bakla ia ka pisa T.98.69 lak tyngka ha kino kino ki kot bad kam shymdon ruh kano kano ka jingtohkit haba ia dei bad kane.
Kaei kaba jia ka long ba ka kynhun tohkit ban peit bniah ia kane ka jingkynnoh ka long halor ka jingkam tam kaba la kot sha ka T.98.69/- lak tyngka ka dei da ka CPWD ha kaba ia dei bad ka jingshna ia ki iing sah ha Tura Campus kaba katei ka don ka jingiapher kaba la ka jong ka jong.
Haba kren ha ki lat pathai khubor mynta ka sngi ha Shillong Press Club halor ki jingkynnoh la ong ba la leh ia baroh kikam katkum ki kyndon kiba don hapoh ka NEHU Act 1973 bad kaei kaba u leh la leh katkum ki kyndon ba pyniaid iaka skul bah.
