Shillong, Nailar 09: Ha ka jingwan ki khar Bangladesh kila la rah ia ki tiar pynmynsaw kiba la wan ban thombor ia ka shnong Khonjoy kaba hap ha South West Khasi Hills District u wei na ki nongshong shnong u la mynsaw bad la wankit sha Civil Hospital Shillong ban shah sumar.
U ba Mynsaw la tip kyrteng kum Balsrang A Marak u ba la shitom jur ha kane ka jingshah bom ha kitei ki khar Bangladesh kiba la wan rung bad pyrshang ban lute ha ka shnong Rongdangai ha ka por 12.30 baje mynstep ha ka 7/8/2025.
Kane ka jingjia kala jia ha ka sngi Thohdieng bad la pynkit ia u sha Ranikor PHC ban ioh ia ka jingsumar bad mynta ka sngi la la pynkit noh sha Civil Hospital Shillong ban ioh ia ka jingsumar kaba kham bha ia u tei bala mynsaw.
Kane ka jingwan jong ki khar Bangladesh sha duh shnong Khonjoy kaba jngai kumba san kilo meter na khappud kala pynkyndit ia kiba bun namar kum kane ka jingjia kam pat juh jia ba ki khar Bangladesh kin wan tur bad leh ia ki kam runar.
Na ka liang jong ki paidbah ka tei ka thain, ki shipai BSF bad ki pulit ka jylla kila dang thwet ia kiba don kti ha kane ka kam runmar kam tuh kam lute hapoh ka tei ka thain kaba la buh ia kipaidbah ha ka jingsyier.
