Shillong, Nailur 22: Ha ka jingiaid lynti na ka bynta ka jingpynkhreh ïa ka election MDC ka ban long ha u snem 2024, ba hap ban ïakhun pyrshah ïa ka party kaba dang shu mih pyrthei shwa ka election MLA mynta u snem 2023.
U Chief Executive Member ka KHADC uba dei ruh u MDC ka Sohryngkham u bah Pyniaid Sing Syiem u la ong ba lada dei ba hap ïakhun bad u prah Khasi ka don jingma hynrei mynta iohi shai ba ka VPP dei u prah na West Bengal.
Kane ka jingkynthoh u Bah Pyniaid kala wan hadien ba ia kren bad ki lad pathai khubor, mynta ka sngi ka 22 tarik u Nailur hadien ba la kut ka dorbar kyrpang ba ar sngi jong ka KHADC.
Shuh shuh u Bah Pyniaid u la ong ba kam don jingeh re, ai ba ki paidbah kin bishar da kaba ong, “lada dei u prah Khasi kan neh hynrei ba dei u prah na West Bengal yn ym neh re” ong u Bah Pyniaid.
U Bah Pyniaid u la bynrap ruh, lyngba kine kiei kiei kiba iohi ba ka thew shata lyngba ki jingjia.
Halor ka jingshah rem noh ha ka election MLA ha u kyrtong jong u Prah, u bah Pyniaid u la ong ba ka jingshah rem ka jong u ka shu long ba kim tip ia u kyrtong ba iakhun pyrshah u dei u ei bad lada lah tip lah kham suk ban iakhun.
Shuh shuh u Bah Pyniaid u la ong ba ki lah ban pynbiej ia ki paidbah tang shisien ym ar sien bad mynta ki paidbah kila nang shai haba kren ia shibun ki mat.
Haba kylli ia ka jingiadei bad u nongialam ba mynta jong ka VPP ia kaba u la jop MDC nyngkong eh u Bah Pyniaid u la ong kiba lah mad ha ka rukom trei kam kila sngewthuh bad bun kim don shuh bad kiba don mynta ioh kim pat ia mad u la ong.
