Shillong, Rymphang 03: U Bah Latiplang Kharkongor Chief Executive Member jong ka Khasi Hills Autonomous District Council u la iathuh ba ar ngut ki MDC jong ka party UDP u Bah Paul Lyngdoh bad u Bah Teiborlang Pathaw kila ai ia ka shihti ban kyrshan ia ka executive Committee kaba u la ialam.
Ha ka shithi kaba kila thoh kitei ki ar ngut kila pynpaw ba ka jingwan jong ki ban ai ia ka jingkyrshan ka long na ka bynta ka jingiaid beit iaid ryntih jong ka KHADC kaba la dohkoh ha kine ki ar bnai, la ong ha katei ka shithi na ka bynta ka jingbit jingbiang jong ki paidbah ki wan ban ai ka jingkyrshan ia kane ka EC.
Haba jubab ia ki jingkylli ha kaba ia dei bad ka kong Grace Mary Kharpuri, u Bah Latiplang u la ong ba lada ka wan kyrshan ia ka UDF ki kloi ban pdiang sngewbha, tang kan nym long shuh ha ka kam Dy Chief Executive Member namar kala kyntait ia kane ka jingtyrwa kumba la phah shithi sha u Lat ka jylla.
La iathuh ba ia ka shithi ba kam pdiang ia katei ka kam Dy CEM kumba la buh mynshuwa kala phah ruh ia ka shihti sha u Secretary bad u Chairman ka KHADC, kumjuh sha u kum u CEM, la iathuh u bah Latiplang.
