Shillong, Iaiong 05: Ka shnat trei kam ka KSU western border area kala leit ban jurip kynsan ia ka jaka bala pyntrei ia ka skul EMRS kaba don ha shnong Umsohbar kaba hap hapoh jong ka jingpeit ka Block Jirangha ka sngi 4/Iaiong/2026 kaba ka seng ka rakhe ia ka sngi Kyrsiew Ri.
Ia kane ka jingleit ban jurip la ialam da u samla Reserve Pator bad General secretary u samla Testar Thangkhiew bad ha ka jingdon lang ki dkhot ka seng na ki shnat trei kam kiba don ha katei ka thain.
Ha kane ka jingleit jurip ka KSU kala shem bay m don wat tang uwei ruh u nongtrei ba don ia ka Labour Laisen bad na ka liang jong ka seng kala ai por shitaiew ia u kontrator ban pynbiang ia ki Labour Laisen.
Ha kane ka jingleit ka seng kala ong ba dei ban ai bylla ia ki trai shnong ruh ha kane ka jaka bad ki shnong ba marjan bad ia ki kam ban ap pahara dei ban ai ia ki trai shnong kane ka long ban ki trai shnong ruh kin iohkam ioh jam.
Ka seng ka lah mahan ruh ba lada kiba ioh ia ka jingtrei kim lah ban pynbiang ia ki jingdon kam ki kot ki sla kiba biang kan bha ba kim dei ban wan ialam nongtrei, ha ka juh ka por ka KSU kala ong ba ki dei ban pyndep ia ka jingtrei ha ka por kaba biang na ka bynta ka jingmyntoi ka thain.
Ka KSU ka phah ia kane ka khubor ia baroh kiba wanrah nongtrei ba ki dei ban pynbiang ia ki kot ki sla bad ha ka juh ka por dei ban ai kam ia ki trai shnong ia kaba ki lah ban trei.
