Shillong, Naiwieng 23: Mynta ka sngi ka myntri ba dei peit ia ka koit ka khiah jong ka jylla ka Dr. M Ampareen Lyngdoh kala leit ban ia shim bynta ha ka jingai jingsumar ei kaba la pynlong da ka kynhun Fanwar Faith INC ha shnong Pyndeng Mawlieh ha West Khasi Hills.
Ia kane ka jingsumar ei ia kiba pang ba shitom ka dei ka jingiatreilang hapdeng ka Fanwar Faith INC bad ka skul bah Martin Luther Christian University (MLCU), Jengjal Sub Divisional Hospital, RoUTES bad ka Seventh-Day Adventist Church kaba la pynlong ha Madan Pyndeng Mawlieh, Mawshynrut, West Khasi Hills District.
Ha kane ka jingleit ka myntri ka tnad ka koit ka khiah kala ia kren bad ki briew kiba leit ban shim dawai na kane ka jaka ai jingsumar ei bad kala ia kren ruh bad ki doktor bad kiba la ioh ia kane ka jingsumar ei.
Ha ka jingkren ka Dr. Ampareen kala ai khublei iaka Fanwar Faith INC bad kiwei ki kynhun kiba la ia treilang ban ai kane ka jingiarap ban sumar ei ia ki paidbah katei ka thian bad kala ai khublei kyrpang ia ka kur Mawsor kaba la ai jaka Fanwar Faith INC ban seng ia ka skul.
Ha ka jingiakren bad ki Doktor, kila iathuh ia ka myntri ba kiba bun ki briew ha katei ka thain ki ioh ia ka jingpang shini bad ka jingpang Hypertension bad ka myntri kala kyntu ia ki paidbah ba kin leit ban phah peit hateng hateng sha ki doktor ha ki jaka sumar jong ka sorkar.
Ki doktor kiba la poi sha kane ka jaka ai jingsumar ei kaba la khot bad pynlong da ka Fanwar Faith INC ki dei ki dotkor na Nongstoin Civil Hospital Shillong bad na Mairang Civil Hospital, ha kane ka sngi bun spah ngut kiba la ioh ia ka jingmyntoi.
