Shillong, Risaw 12: Mynta ka sngi ki pulit jong ka nongbah Shillong kila lap ia ka Scotty na jan ka ophis jong ka DGAR ha Laitumkhrah kaba khlem pat don number ia kaba la shah tuh na jaka pynieng kali St. Anthony’s.
Ki pulit ki Laitumkhrah kila ioh ia ka jingujor ba ka Scotty kaba khlem pat don number kaba la pynieng ha jaka pynieng kali ha St. Anthony’s kala sah tuh ha ka 9/Risaw/2024 na ka jaka ba pynieng hynrei mynta ka sngi la lap ia kane ka Scotty kaba la shu buh ha rud surok jan ophis DGAR.
Ha kawei pat ka jingjia ka kong Banrilidor Nongkynrih kala ujor ba ki briew kiba ym lah ban tip kila prong ia ka dukan jong ka ha Riatsamthiah Block-II bad kila rong tuh ia ki tiar kiba don ha dukan bad ka jingduh kala kot sha ka T.25,000/- tyngka.
