Shillong, Kyllalyngkot 08: Ki pulit jong ka jylla Tamil Nadu kila lap ia u bah Chaltbha Muksor na Krishna Giri bad mynta u la don ha jingsumar hapoh Hospital bad ki pulit katei ka jylla kila phah wan ia ki dkhot ka KSU na Bangalore ba kin leit shaw noh ia u namar ki tieng ioh u phet biang.
Haba kren ha u SP news Agency u samla Donboklang Nongphud President ka KSU Bangalore Unit la ong ba mynta ka jan miet kin leit sha katei ka jaka ban leit shaw ia u tei u rangbah ban ialam ia u ia mynta kim pat lah ban ong ei ei u long kumno namar kin dang leit shaw ia u.
Katkum ka jingiathuh jong kiba ha iing u Chaltbha Muksor u la mih na la iing ha ka 2/01/2026 bad kiwei ki dei ki briew ban leit trei sha Bangaluru, hynrei ha ka 5/01/2026 khlem ioh shuh ia u ban phone bad kiba ha iing kila ujor sha ki pulit halor kane ka jingjah.
Ka sien kaba khatduh ba iohi ia u ka dei ka Jolarpettai Junction Railway Station, Tamil Nadu, u bah Chaltbha u dei na ka shnong Lad Rymbai Dong Pohktieh, la iathuh ba baroh kiba ia leit lang ki long 11 ngut kynthup ia u ruh.
