Shillong, Jylliew 16: Ki Pulit ka East Khasi Hills District, la shai ka sngi ka 17 tarik u Jylliew 2025 kin ialam ia ka Sonam Raghuvanshi sha Sohra ha ryngkat bad ki saw ngut kiba donkti ban pyniap ia u Raja Raghuvanshi ban lum shuh shuh ia ki sabut kiba bniah.
Kane ka jingialam ia ki suba donkti sha Sohra ka long ban ialam sha ka jaka hajan jong ka Kshaid Wei Sawdong bad ka jaka la khmih lynti ba kan dei ha jaka pynieng kali, ka long ban pynwan dur biang ia ka jingjia ba shah pyniap u Raja Raghuvanshi.
Na ka liang jong ka Director General of Police (DGP) ka jylla Meghalaya ka Kong Idashisha Nongrang kala ong, ka jingtohkit halor ka jingshah pyniap u nongjngohkai pyrthei na Indore u Raja Raghuvanshi kala iaid bha shakhmat.
Ha ka jingtohkit na ka liang jong ki pulit kila dang lap ksai shuh hsuh ia ki sabut bad ia kane ka jingjia yn sa pynngat ha ki kyndon ha ka por kaba la buh, namar ka iing bishar kala ai por phra sngi ia ki pulit ka jylla ban tohkit ia ka Sonam bad ia ki saw ngut kiweipat ha kane ka kam pyniap briew.
