Shillong, Jylliew 26: Mynta ka sngi hapoh jingialam jong u President bah KP Pangniang ka party HSPDP kala leit ban ai i
a ka jingai jingmut sha ka Expert Committee ha kaba ia dei bad ka policy thungkam ha kane ka jylla Meghalaya, ha kaba la don lang u General Secretary bah Panbor Ryntathiang, u bah Methodius Dkhar MLA bad kiwei ki nongkit kam jong ka party.
Haba kren ha ki lat pathai khubor ha dein bala dep ban ai ia ka jingai jingmut sha ka Expert Committee u bah Panbor Ryntathiang General Secretary ka party la ong ba, ka party kala ai jingmut ban shimlang ia ka 40% jong Khasi-Jaintia bad 40% jong ki paralok Garo ban kheinlang ban pynlong 80% ban ioh ia ka jingiabit ia biang lang.
Haba ia dei bad ka jingrah ia ki kam kiba sah shawei pat ka senm thung kam lada ym lah ban pyndap ia ki kam na kano kano ka kynhun, ia kata dep ban pynduh noh bad ia ki kam ba lait dei ban pyndap noh ha ka juh ka snem khlem da rah sha ki snem ban sa wan.
Haba ia dei bad ki kam sha ki District, na ka liang jong ka party kala ai jingmut ba dei ban kyntiew sha ka 90% na ki 80% kumba ka long mynta, kane ka long ban pyndap ia kikam kiba lait ha ki District kiba don ha ka jylla kane dei ka jingmut kaba la ai da ka party HSPDP.
Haba ia dei bad ka jingbhah ia ki jingpule kaba la shu but haduh mynta khlem da don kano kano ka jingthoh kaba kyrpang hapoh ka policy bhah kam, na ka liang jong ka HSPDP ka ai jingmut shga ka Expert Committee ba kan peit ia kane ka bynta ruh.
