Shillong, Iaiong 08: Ka ophis jong ka District Child Protection Officer kala pyntip ba ha ka 23/Lber/2026 ki briew kiba ym lah ban tip la leit ban buh ia khunlung ba dang kha ha jaka ai dawai ha Ganesh Das Hospital, Lawmali Shillong.
La iathuh ba ia khunlung la lap na ka jaka ai dawai ia kiba leit ban shim dawai na katei ka hospital ha ka por 8.25 baje mynmiet bad khunlung mynta don ha ka jingsumar jong ka Lawei Baphyrnai ka seng ri khunlung Shillong.
Na ka liang jong ka ophis jong ka DCPO kala kyntu ia ki paidbah ba lada don mano mano ba tip kin sngewbha ban pyntip hapoh ka 60 sngi naduh ba mih kane ka khubor lem kumta yn pynbna ban aiti noh sha kiba kwah ban ri.
Da don kiba tip kin sngewbha ban pyntip sha kine ki ophis, District Child Protection Unit, East Khasi Hills District, Shillong da kaba phone ha u ne number 0364-7962188, Child Welfare Committee East Khasi Hills District da kaba phone ha u tei u juh number bad sha ka Lawei Baphyrnai Specialist Adopted Agency Lumsohphoh East Khasi Hills District da kaba phone ha u ne u number 9612168593.
